Naghain na rin ng hiwalay na Petition for Certiorari and Prohibition sa Supreme Court si VP Sara Duterte kaugnay ng impeachment case na inihain sa kaniya ng Kamara.
Isinumite ito ng kampo ng bise presidente sa pamamagitan ng Fortun Narvasa and Salazar law offices.
Nabatid na natanggap na ito ng korte ngunit hindi na naihabol sa kanilang en banc session kahapon.
Bukod pa kasi ito sa petisyon ng apat na Mindanawon lawyers para harangin ang impeachment proceedings laban sa pangalawang pangulo.
Hiniling din kasi ng mga abogado na sina Atty. Israelito Torreon, Atty. Martin Delgra, Atty. James Reserva, Atty. Hillary Olga Reserva, at Atty. Luna Acosta—na magpalabas ang Korte Suprema ng Temporary Restraining Order (TRO) at Injunction para ipawalang-bisa ang impeachment complaint.
Kasama rin sa mga nagpetisyon ang Bise Alkalde ng Davao City, ilang miyembro ng konseho ng lungsod, at mga kilalang political vloggers na sina Darwin Salcedo, Lord Byron Cristobal, at Lord Oliver Raymund Cristobal.
Ayon sa kanila, depektibo at hindi dapat dinggin ng Senado ang impeachment complaint na inihain ng Kamara.
Kwestiyonable umano ang verification process ng impeachment complaint.
Giit ng mga petitioner, hindi pinag-aralang mabuti ng mga lumagda sa reklamo ang nilalaman nito, at biglaan lamang isinama sa usapin ng impeachment.
Pero depensa ng Kamara, moot and academic na ito dahil nasa Senado na ang reklamo at hindi na ang korte ang may hurisdiksyon dito.
The post VP Sara Duterte, naghain na rin ng petisyon sa SC para harangin ang impeachment ng Kongreso appeared first on %%https://bomboradyo.com%%.